Болат Назарбаевтың иелігінде болған ауыр машина жасау зауытының активтері мемлекетке қайтарылады
Бұл туралы Алматы қаласының прокуратурасы хабарлады.
Алматы, NEGE. Бұған дейін Алматы қаласының прокуратурасы Зауыт мүлкін заңсыз сату фактілерін анықтаған болатын.
Қала прокуратурасының қадағалау актісін орындау шеңберінде Мемлекеттік мүлік және жекешелендіру комитеті сотқа мәмілелерді жарамсыз деп тану туралы талап-арызбен жүгінген
Талап-арыздың мазмұнында зауытқа 37 га астам жер учаскесін және жалпы ауданы 79 966 м2 болатын 94 тұрғын емес үй-жайды қайтару көрсетілген.
Сот талапкердің талаптарын қанағаттандырды, апелляциялық саты шешімді күшінде қалдырды.
Болат Назарбаев 2007 жылы сәуірде «Темир кон» серіктестігінен «Алматы ауыр машина жасау зауыты» жарғылық капиталының 86,78 пайыз акциясын сатып алған.