Бокстан Қазақстанның еңбек сіңірген жаттықтырушысы өгей қызын зорлады деген күдікке ілінді
Бокстан Қазақстанның еңбек сіңірген жаттықтырушысы Сапабек Мұқышев зорлады деген күдікке ілінді, деп хабарлайды "Астана" телеарнасы.
Алматы, NEGE. Арызды күдіктінің 20 жастағы өгей қызы 2022 жылғы қарашада жазған, бірақ бұл қазір ғана белгілі болған, делінген Қостанай облысы полициясының хабарламасында.
Бұл дерекке қатысты бірден 2 бап - "Зорлау" және "Бірнеше рет зорлау" бойынша сотқа дейінгі тергеу басталды.
"Тергеу аясында бірқатар сот-медициналық сараптама тағайындалып, жүргізілді, оның қорытындысы бойынша соңғы процессуалдық шешім қабылданады. Күдіктіге қатысты бұлтартпау шарасы таңдалмады, зардап шеккен тарап қорғауға алынды", – деді Қостанай облыстық полиция департаментінің баспасөз қызметі.