Бокстан Олимпиадаға іріктеуде Валентина Хальзова 1/4 финалға шықты

Алматы, NEGE. Қазақстандық боксшы жарыстың аталған сатысында сағат моңғолиялық Эрденетуя Энхбаатармен шаршы алаңға шықты.

Жекпе-жек барысында қазақстандық боксшы сенімді ойын көрсетті. Нәтижесінде қарсыласынан 5:0 есебімен басым түсті.

Валентина Хальзова 1997 жылы дүниеге келген. 2016 жылы әлем чемпионы атанса, 2022, 2023 жылдарда әлем чемпионатында қола жүлдеге қол созды.

Ал 2017 жылы Азия чемпионатында күміс медаль алды.

Енді ел құрамасынан 16:30-да 1/8 финалда Назым Қызайбай (50 келі) ұлыбританиялық Саванна Стублеймен шеберлік байқасады.

Сондай-ақ 18:45-те Мұхаммедсабыр Базарбайұлы (63.5 келі) бесінші жолдама үшін колумбиялық Хосе Мануэль Виафарамен қолғап түйістіреді.

Таиландтағы іріктеу турнирінде Ұлжан Сәрсенбек (54 келі), Римма Волосенко (60 келі) мен Наталья Богданова (66 келі) жарыс жолын аяқтады.

Қазір Қазақстан құрамасы қоржынында Париж Олимпиадасына ерлерде 6, әйелдерде 1 жолдама бар.