Боксшының өліміне күдікті ретінде 20 жасар тұрғын ұсталды
Боксшы Иван Тацийдің өліміне күдікті ретінде Шахтинскінің 20 жасар тұрғыны ұсталды, деп хабарлады ҚазТАГ.
Алматы, NEGE. «Шахтинскінің 20 жасар тұрғыны ұсталды (боксшы Тацийдің өліміне күдікті ретінде – ҚазТАГ). Ол мойындап түсініктеме берді. ҚР ҚК 99 бабы (адам өлімі) бойынша тергеу амалдары жүргізілуде», - деп хабарлады Қарағанды облысы полиция департаментінің баспасөз қызметі.
Еске салсақ, 20 тамызда хабарланғандай, полиция Шахтинскіде 24 жасар боксшы Иван Тацийді пышақтап кеткен күдіктіні іздестіруде. Өңірдегі денсаулық сақтау басқармасының баспасөз қызметі нақтылағандай, қылмыскер спортшының жүрегіне ауыр пышақ жарақатын салған. Қарағанды облысы спорт басқармасында хабарлағандай, марқұм бокстан облыс құрамысының мүшесі болған екен.
26 тамызда Қарағанды облысы полиция департаменті Шахтинскіде боксшы Иван Тацийдің өлімі туралы іске қатыстылардың арасында полицейлердің жақын туыстары бар болып шыққанын растады.