Боксшы Қамшыбек Қоңқабаев Алматыда Джонни Мюллермен жұдырықтасады
2020 жылғы Токио Олимпиадасының қола жүлдегері боксшы Қамшыбек Қоңқабаев келесі қарсыласының күні мен есімін анықтады.
Алматы, NEGE. Қазақстандық аса ауыр салмақтағы боксшы 25 наурызда Алматыда шаршы алаңға шығады. Оның қарсыласы оңтүстік африкалық боксшы Джонни Мюллер болмақ. Бұл жолы Қоңқабаевқа тиесілі WBA Gold титулына таласады.
Айта кетейік, Қамшыбек про-рингте төрт жеңіске жетіп, оның үшеуін мерзімінен бұрын аяқтаған. Ал Джонни Мюллер 23 кездесуде жеңіске жетіп, 9 рет жеңіліп, 2 кездесуде тең түскен.
Сондай-ақ 25 наурызда Алматыда қазақ боксшылары Сұлтан Зәуірбек, Рай Сейітжанов, Талғат Шәйкен және тағы басқа спортшылар жекпе-жекке шығады.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
