Спорт
Боксшы Айбек Оралбай Азия ойындарының чемпионы атанды
Бокстан Қазақстан ұлттық құрамасының капитаны Айбек Оралбай Жапонияның Айчи–Нагоя қаласында өтіп жатқан ХХ жазғы Азиадада алтын медаль жеңіп алды.
Астана, NEGE. 90 келіден жоғары салмақ дәрежесінің финалдық жекпе-жегінде Айбек Оралбай өзбекстандық боксшы Жахонгир Зокировпен кездесіп, қарсыласын 5:0 есебімен айқын жеңді.
Бұл – Қазақстан құрамасының ХХ жазғы Азия ойындарындағы бокстан екінші алтын жүлдесі.
Бұған дейін 70 келіге дейінгі салмақ дәрежесінде Төрехан Сабырхан чемпион атанған болатын. Ол финалда Иордания өкілі Зейад Ишаштан 5:0 есебімен басым түсті.
Осылайша, Төрехан Сабырхан бокстан Азия ойындарындағы 12 жылдық үзілістен кейін Қазақстан құрамасына көптен күткен алтын жүлдені алып берген еді.