Дүние
Блумберг Трампты «ұятсыз» деп отыр
Медиамагнат Майкл Блумберг Америкада 2020 жылдың қараша айында өтетін АҚШ президенттігіне «Демократиялық партия» атынан өз кандидатурасын ұсынды. Бұл жөнінде Рейтер агенттігі хабарлайды.
Алматы, NEGE. Көктемде өзінің президенттікке түспейтінін мәлімдеген Блумберг АҚШ-тың қазіргі президенті Дональд Трампты алдағы сайлауда жеңіп, Американы қайта түлететінін айтты. «Біз президент Трамптың этикаға сай келмейтін ақылсыз әрекетіне тағы да 4 жыл төзбейміз!» дейді, 77 жастағы миллирдер.
Майкл Блумберг – «Bloomberg LP» медиакомпаниясының негізін қалаушы және басшысы. Ол президенттік додада бұрынғы вице-президент Джо Байден мен Саут-Бенд қаласының мэрі Пит Буттиджбен бәсекелескелі тұр.