Блогер Ерболат Жанабыловтың жұбайына қатысты сот процесі басталды
Астанадағы мамандандырылған ауданаралық әкімшілік сотында танымал блогер Эльмира Төлегеноваға қатысты іс қаралып жатыр, деп хабарлады Kazinform.
Алматы, NEGE. Сот процесі ҚР Әкімшілік құқықбұзушылық туралы кодексінің 445-1-бабы, 6-бөлігі бойынша судья Ақерке Бектұрғанованың қарауымен өтіп жатыр. Аталған іс блогердің заңсыз лотерея қызметіне қатысы бар деген күдікке байланысты қозғалған.
Сонымен қатар бүгін түстен кейін Төлегенованың жұбайы – блогер Ерболат Жанабыловқа қатысты сот отырысы өтеді.
Айта кетейік, аталған екі тұлға да миллионнан астам жазылушысы бар танымал блогерлер. Сот отырыстары ашық форматта өтіп жатыр. Осы іске қатысты алғашқы тындау 5 қыркүйекте өткен болатын.
Еске сала кетейік, сот отырысы барысында Мәдениет және спорт министрлігіне қарасты лотерея және ойын бизнесін реттеу комитетінің өкілдері блогерлердің парақшаларында ақша, 10 автокөлік және басқа да қымбат сыйлықтар ойнатылғанын айтты. Алайда Қазақстан заңнамасына сәйкес, лотереяларды тек ресми операторлар ғана өткізуге құқылы.
Комитет өкілдерінің айтуынша, олар Жанабыловтар ұсынған курстарды сатып алып, олардың мазмұны жарияланған сипаттамаға сәйкес келмейтінін анықтаған. Ведомство деректеріне сәйкес, курстар формалды сипатқа ие болып, нақты практикалық құндылық бермеген, сондай-ақ 30 мың теңгелік бағасы негізсіз, қымбат деп танылған.
Сот ісінің қозғалуының басты себебі – Жанабыловтың 10 автокөлік ойнатылған лотереяны өткізуі болған. Осыдан кейін Лотерея және ойын бизнесін реттеу комитетіне блогерлердің қызметінің заңнама талаптарына сәйкестігін тексеру туралы өтініш келіп түскен.
