БҚО: 40 мыңнан астам адам тұмауға қарсы екпе салдырды

Алматы, NEGE. БҚО санитарлық-эпидемиологиялық бақылау департаменті басшысының орынбасары Нұрлыбек Мұстаевтың мәлім еткеніндей, соның тең жартысынан астамы, яғни 21 590-ы - созылмалы сырқаты бар адамдар.

Егілгендердің 34 584-і ересек адамдар болса, 5660-ы - 14 жасқа дейінгі балалар.

Соның ішінде 5320 медицина қызметкері, 856 жүкті әйел бар. Сондай-ақ 1020-сы - 15 жастан асқан оқушылар. Жабық мекемелерде (бөбектер үйі, балалар үйі, мектеп-интернат, мүгедек балаларға арналған интернат) 72, мүгедектер мен қарттар үйінде 1262 адам егілді.

«Вакцинация - тұмаудың алдын алудың ең тиімді әдісі. Сондықтан жыл сайын облыста тұрғындардың 10 пайыздан астамы тұмауға қарсы екпе алады. Жоспарлы егу жұмыстары жалғасуда», - деді Н.Мұстаев.