БҚО-да су басқан өңірлердің тұрғындарына көмектесуге барған құтқарушыны пышақтап кетті
Оқиға осы кеште Казталов ауданы Жалпақтал ауылының маңында болды, деп хабарлайды ТЖМ.
Алматы, NEGE. Жедел деректер бойынша, су тасқыны болған аймақтың жергілікті тұрғындарына көмек көрсету кезінде Қараөзен өзенінің жағасында 1998 жылы туған азаматтық қорғау сержанты жараланды. Ол аудандық ауруханаға кеуде аймағында екі пышақ жарақатымен жеткізілді.
Науқас дәрігерлердің бақылауында.
Полицияның мәліметінше, шабуылдаушы мас күйде болған. Сотқа дейінгі тергеу басталды.
