БҚО-да шенеуніктердің бірі пара алу күдігімен ұсталды

Астана, NEGE. Нәтижесінде Батыс Қазақстан облысы Мемлекеттік кіріс департаментінің басқарма басшысы қамауға алынған.

«Сот санкциясымен Батыс Қазақстан облысы Мемлекеттік кіріс департаментінің басқарма басшыларының бірі мен елорда тұрғыны қамауға алынды», – делінген ҰҚК хабарламасында.

Ведомство мәліметінше, бұл тұлғалар ақшалай сыйақыға елге халық тұтынатын тауарларды кедергісіз әкелу үшін шетелдік азаматтарға көмек көрсеткен.

Олардың 100 млн теңгеден астам пара алғаны процестік тұрғыдан құжаттармен расталған.

Алдын ала есеп бойынша, мемлекетке 1,9 млрд теңгедей шығын келтірілген.

Әзірге өзге ақпарат жария етілген жоқ.