Бишімбаевтың соты: Прокурорлар сот отырысынан кейін әлеуметтік желілерде пікір білдіруге тыйым салуды сұрады
Бүгін Астанада әйелі Салтанат Нүкенованы өлтірді деп айыпталған Қуандық Бишімбаевқа қатысты сот отырысы жалғасуда.
Астана, NEGE. Сот отырысы барысында прокурорлар әлеуметтік желідегі жарияланымдарға қатысты мәлімдеме жасады.
«29 наурызда сот отырысы аяқталғаннан кейін әлеуметтік желілерде соттың өтуіне қатысты жеке пікірлерді білдіретін жазбалар жарияланды. Бұл жағдай сот талқылауының қалыпты өтуіне кедергі келтіреді және алқабилерге кері әсерін тигізіп, теріс пікір туындатуы мүмкін. Құрметті сот, процеске қатысушылардың барлығына қылмыстық іс жүргізу заңнамасының талаптарын сақтауға міндеттеуіңізді және процеске қатысушылардың қарсылықтарын, сот талқылауы шеңберіндегі мәлімдемелерін, жеке пікірлерін әлеуметтік желі платформасында емес, сот барысында білдіруін сұраймын», – деді прокурор.
Процеске қатысушылардың барлығы прокурордың өтінішін қолдады.
Айта кететін жайт, сот қылмыстық қудалау органы емес, ол айыптаушы тарапқа да, қорғаушы тарапқа да болыспайды. Сот отырысынан кейін жарияланған барлық жазбаларды Сот сотқа қысым көрсету әрекеті ретінде қарастыруы мүмкін және осыған байланысты процеске қатысушылардың барлығына мұндай әрекеттерден бас тартуды және сот отырысы залында өз құқықтарын пайдалануды ұсынамын», – деді судья Айжан Құлбаева.
