Бишімбаевтың інісі Бақытжан Байжанов рақымшылыққа өтініш берді
2025 жылғы 9 шілдеде Степногор аудандық сотына Бақытжан Байжанов Амнистия туралы заңға сәйкес жаза мерзімін қысқарту туралы өтінішпен жүгінді.
Астана, NEGE. Бұл ақпаратты Жоғарғы соттың баспасөз қызметі растады.
«Степногор аудандық сотының мәліметінше, 2025 жылғы 9 шілдеде Бақытжан Байжанов рақымшылық туралы заңға сәйкес жазаның мерзімін қысқарту жөнінде өтінішпен жүгінген. Аталған өтінішті қарау күні әлі белгіленген жоқ», – делінген хабарламада.
Еске салайық, бұрынғы ұлттық экономика министрі Қуандық Бишімбаев азаматтық некедегі әйелі Салтанат Нүкенованы өлтіргені үшін кінәлі деп танылып, 24 жылға бас бостандығынан айырылған. Бақытжан Байжанов Қылмыстық кодекстің 432-бабы – «Қылмысты жасыру» бойынша айыпталып, 4 жылға қамалған еді.