Бишімбаевтың анасы сотта алғаш рет өз ойын айтты
Бүгін сот отырысында Қуандық Бишімбаевтың адвокаттары ресейлік мамандардың қорытындысын дәлел ретінде сотта оқып беруді сұрады.
Астана, NEGE. Қорғаушылардың өтінішіне Қуандық Бишімбаевтың анасы Альмира Бишімбаева да қосылып, өз ойын айтты. Ол ұлының азаматтық қорғаушысы.
Альмира Бишімбаева өзін ана ретінде түсінуді және ұлына өзін толықтай қорғауға мүмкіндік беруін сұрады.
«Мен қазір тыңдап отырмын. Әрине, заңгер емеспін, бірақ сіз мәскеулік маманның тұжырымын қабылдамасаңыз, баламның конституциялық құқығы бұзылған болады. Ол өзін қорғауы және өз дәлелдерін келтіруі тиіс деп есептеймін. Сондықтан соттан, прокурорлардан, жәбірленушілерден мені ана ретінде түсінулерін сұраймын», - деді Қуандық Бишімбаевтың анасы.
Судья Айжан Құлбаева мәскеулік мамандардың қазақстандық сот сарапшысы Тахир Халимназаровтың қорытындысымен сәйкес келмейтін қорытындысын оқуға рұқсат берді.