Бишімбаевтың адвокатының судьяға қарсылық білдіру талабы қанағаттандырылмады
Қуандық Бишімбаевқа қатысты бүгінгі сот отырысында қорғаушы тарап төрағалық етуші судья Айжан Құлбаеваға қарсылық білдіретіндерін мәлімдеді.
Алматы, NEGE. Қылмыстық іс жүргізу кодексінің нормаларына сәйкес, қарсылық білдіруді сол соттың судьясы С.Тасымбетов алқабилер мен судья Құлбаеваның қатысуынсыз қарады.
Қарсылық білдіруді қарау нәтижелері бойынша соттың қаулысымен қорғаушы тарап берген судьяға қарсылық білдіру қанағаттандырусыз қалдырылды.
Істі қарау қайта жалғасты.
Бұл қаулы шағымдануға немесе наразылық білдіруге жатпайды.