Бишімбаевқа тамақ арқылы есірткі тасымалдаған ба?
Ішкі істер министрлігі экс-министр Қуандық Бишімбаевқа тергеу изоляторына тамақ арқылы есірткі тасымалданды деген ақпаратты жоққа шығарды.
Алматы, NEGE. 7 шілдеде елорданың тергеу изоляторында белгісіз әйел тұтқынға марихуана қосылған голубцы әкелгені туралы ақпарат тарады.
Белгісіз әйел сотталушыға марихуана қосылған тағам берген. Артынша бұл тағам экс-министр Қуандық Бишімбаевқа беріліпті деген ақпарат тарады.
Алайда Ішкі істер министрлігі бұл істің Бишімбаевқа еш қатысы жоқ екенін мәлімдеді.
“№64 мекемеде голубцы тағамының арасына салып, тыйым салынған затты өткізу әрекетінің жолы кесілді. Алайда бұл деректің Бишімбаевқа еш қатысы жоқ”, – деп хабарлады Ішкі істер министрлігі.
