Бишімбаев жазасын жеңілдетуді сұрады – Іс Жоғарғы сотқа жіберілді
Әйелі Салтанат Нүкенованы өлтірді деген айып тағылып, 24 жылға бас бостандығынан айырылған Қуандық Бишімбаевтың ісі Жоғарғы сотқа жіберілгені туралы ақпарат тарады. Ол жазасын жеңілдетуді сұраған.
Алматы, NEGE. Сот кеңсесіне түскен ақпаратқа сәйкес, Қуандық Бишімбаев пен Бақытжан Байжановтың ісі Жоғарғы сотқа жіберілген. Ал 5 тамызда іс судьяға берілген.
Еске сала кетейік, 2023 жылы 9 қарашада Астанадағы Bau мейрамханасында экс-министр Қуандық Бишімбаев азаматтық некедегі әйелі Салтанат Нүкенованы өлтірді деген айыппен ұсталған болатын.
Сот үкімімен Бишімбаев 24 жылға бас бостандығынан айырылды. Оның туысы Байжанов аса қауіпті қылмысты жасырғаны үшін кінәлі деп танылып, 4 жылға сотталды.