Бишімбаев көріпкелден НЕГЕ көмек сұрады?
Бүгін Астана қаласының мамандандырылған ауданаралық сотында Қуандық Бишімбаевқа қатысты қылмыстық іс бойынша кезекті сот отырысы өтіп жатыр.
Астана, NEGE. Оқиға болған күні Бишімбаев көріпкелге телефон соғып, Салтанаттың оянбай жатқанын айтқан. Бұл туралы Қуандық Бишімбаев сотта қылмыс болған күннің оқиғасын баяндау барысында мәлімдеді.
-
Тақырыпқа орай: «Ол унитазға бетімен құлады»: Бишімбаев Салтанат Нүкенова қайтыс болған күнгі оқиғаны баяндады
Оның айтуынша, таңға жуық Нүкенованың бір жақ беті қатты ісіп кеткен. Бұл жағдай Бишімбаевты қатты алаңдатады. Сөйтіп, ол көріпкелге телефон соғып, Салтанаттың оянбай жатқанын, бетінің қатты көгеріп кеткенін айтқан. Көріпкел болса: «Алаңдауға негіз жоқ. Салтанат қатты шаршаған, оған аздап демалу керек», — дейді.
«Осы сөздерді естігеннен кейін, көңілім тынышталды. Сосын оның тез өз-өзіне келуі үшін оқып беруін сұрадым», — деді Қуандық Бишімбаев.
Бишімбаевтың айтуынша, туысы Бақытжан Байжанов жедел жәрдем шақыруды ұсынған, бірақ ол көріпкелге сеніп, тағы біраз күтуді жөн көрген.
