Бишімбаев бұрынғы әйелі Назым Қаһарманды көлік ұрлап, бопсалады деп айыптады
Астананың мамандандырылған ауданаралық сотында экс-министр Қуандық Бишімбаевтың әйелін өлтіру ісі бойынша кезекті сот отырысы өтіп жатыр.
Алматы, NEGE. Сот отырысында Қуандық Бишімбаев бұрынғы әйелі Назым Қаһарманды көлігін ұрлап, бопсалады деп айыптады.
«Салтанат екеуміз бірге тұрған кезде мен оған автокөлік бердім. Жазда екеуміз ажырасқанда Байжановқа осы көлікті Алматыға апарып беруін өтіндім. Сосын бұл автокөлікті ұрлап кетті. Оны кімнің ұрлап кеткенін Байжанов жақсы біледі. Оны ұрлаған менің бұрынғы әйелім. Мен оған: «Сен менің бұрынғы әйеліммен сөз байласып кеттің бе? Сендер маған жала жауып, түрмеге отырғызып, менің мүлкімді бөлісіп алғыларың келе ме?», деп сұрадым», - деді Бишімбаев.
