Бішкек Қырғызстан азаматтарының Қазақстанда ұсталуына байланысты нота жолдады
Қырғызстан сыртқы істер министрлігі тәртіпсіздікке қатысты деген күдікпен қамалған азаматтардың ұсталуына байланысты Қазақстанға нота жолдады.
Алматы, NEGE. "Аталған азаматтарды ұстау және тексеру шаралары жүргізілгеннен кейін мерзімінен бұрын босату фактісі бойынша Қазақстан тарапына министрліктен нота жолданды”, – деді Қырғызстан сыртқы істер министрлігінің баспасөз қызметінің өкілі.
Осыған орай Шымкентте ұсталған 38 қырғыз азаматы тексеру шараларынан кейін босатылған. Бұған дейін Алматыдағы қақтығыстан қырғыз азаматының қаза тапқаны белгілі. Қазір ведомство өзге де қырғызстандықтардың қақтығыс құрбаны болуы мүмкін деген фактілерді анықтау жұмыстарына кірісіп жатыр.
