Біртанов: Баланы балабақшаға жіберу не жібермеуді ата-ана өзі шешеді
"Қазір елімізге Германиядан келген азаматтарға ғана кіруге болмайды. Рейстер де тоқтады. Азаматтар транзит арқылы да келіп жатыр" деді Денсаулық сақтау министрі Орталық коммуникациялар қызметінде өткен брифингте.
Нұр-Сұлтан, NEGE. Министр өз сөзінде "Паника шақыруға болмайды. Келгендерді максималды түрде оқшаулау қажет. Ұшақпен келгендердің бәрін қадағалап отырмыз. Олармен қарым-қатынасқа түспеу керек" деді.
Сондай-ақ, "Балабақшада карантин бола ма?" деген тілшінің сауалына: «Мектеп бойынша шешім қабылданды. Әзірге балабақша істеп жатыр. Елімізде жұмыс тоқтаған жоқ. Сондықтан баласын жіберу не жібермеуді ата-анасы өзі шешуі керек. Қазір балабақшаны жабу туралы шешім қабылданған жоқ. Егер жағдай ушықса, көреміз» деді.