Бірнеше өңірде көлік қозғалысына енгізілген шектеу алынды
Республикалық маңызы бар жолдар желісі бойынша барлық бағыт ашылып, шектеулер алынды, - деп хабарлайды Tengrinews.kz.
Алматы, NEGE. "Бұрынғы енгізілген барлық қозғалыс шектеулері алынып тасталды. Республикалық маңызы бар автожолдарда қауіпсіз жол жүру қамтамасыз етілген. Өткен түнде жолға мамандар 500 м3 құм-тұз қоспасын септі", - делінген "ҚазАвтоЖол" республикалық маңызы бар автомобиль жолдарының ұлттық операторының хабарламасында.
Айта кетейік, ауа райының нашарлауына байланысты (боран, қар, жол бойындағы көрінудің шектелуі) еліміздің 3 өңірінде (СҚО, Қостанай және Ақмола облыстары) 27 жол учаскесі жабылған еді. Соған орай 220 бірлік арнайы техника мен 300 маман жұмыс істеді.
Қостанай облысында жолшы мамандар 30 жүк көлік жүргізушісіне және 4 жеңіл көлік жүргізушісіне көмек көрсетті. Ал СҚО аумағында мамандар арнайы техниканың көмегімен қар құрсауынан 3 көлікті шығарды.
