Бірнеше өңірде боран соғады
Көктем келіп, күн жылынса да, қуануға әлі ерте.
Алматы, NEGE. Еліміздің бірнеше өңірінде ауа райы бұзылып, тұман түседі, – деп хабарлайды «Қазгидромет» РМК өкілдері. Синоптиктердің мәліметінше, Нұр-Сұлтанда таңертең және күндіз тұман түседі.
Сондай-ақ, Солтүстік Қазақстан облысының кей жерлерінде тұман түсетіні айтылады. Батыстан жел соғып, күндіз кей жерлерде желдің күші секундына 15-20 метрге жетеді деп болжанып отыр. Петропавлда да түнде және таңертең тұман түседі. Батыстан жел соғады, күндіз желдің күші секундына 15-20 метрге жетеді дейді синоптиктер.
