Біреуі қайтыс болды: Астанада құрылыс алаңында жұмыс істеп жүрген альпинистер 9-қабаттан құлады
Астанада құрылыс алаңында жұмыс істеп жүрген альпинистер 9-қабаттан құлап, біреуі қайтыс болды. Тағы 3 адам ауруханаға жеткізілді.
Алматы, NEGE. «Құрылыс объектісінде жұмысшылардың құлау фактісі бойынша Астана қаласының полиция департаменті тергеу бастады. Сотқа дейінгі тергеу амалдары ҚР Қылмыстық кодекстің 277-бабы 3-бөлігі бойынша жүріп жатыр. Жедел жәрдем бригадасы келгенге дейін бір жұмысшы сол жерде қайтыс болды, қалған үшеуі ауруханаға жатқызылды», - делінген қалалық полицияның хабарламасында.
