Бір отбасының барлық мүшелері індет жұқтырды
Нұр-Сұлтанда карантин режимінің талаптарына немқұрайлы қарағандықтан, бір отбасының барлық мүшелері (алты адам): ерлі-зайыптылар, бір ай мен 5 жастағы екі бала, екі егде жастағы адам коронавирус инфекциясын жұқтырды. Бұл туралы елорда әкімдігінің баспасөз қызметі хабарлады
.
Алматы, NEGE. Барлық отбасы мүшелерінде коронавирус инфекциясы анықталды. Олар санитарлық нормаларды сақтамай, карантин режимін бұзғандарын айтты. Қазіргі таңда барлығы ем алып жатыр. Барлық тұрғындарды өз денсаулығы мен жақындарының денсаулығын ойлап, жағдайға немқұрайлы қарамауға шақырамыз. Карантиндік шараларды жеңілдету - үйреншікті өмірге қайта оралу емес. Санитарлық нормаларды қатаң сақтау қажет. Маска киіп, қолды сабынмен мұқият жуып/антисептикпен өңдеп, бөлме ауасын желдетіп тұру қажет. Қонақ шақыруға не қонаққа баруға болмайды, - деп атап өтті Нұр-Сұлтан қаласы әкімдігінің Қоғамдық денсаулық сақтау басқармасы.
Елордада коронавирусты жұқтырудың 768 жағдайы тіркелді. 333 адам індеттен сауықты. Олардың ішінде 90 жастағы адамдар да бар.
