Былтыр Алматы әуежайы 7,2 млн жолаушыға қызмет көрсетті
Алматы халықаралық әуежайы жолаушылар ағыны бойынша еліміздегі әуежайлардың ішінде бірінші орынды алады. 2019 жылы әуежайда 7,2 млн жолаушыға қызмет көрсетілді.
Алматы, NEGE. Бұл Қазақстанның авиация нарығының 40% құрайды, деп хабарлайды ҚР ИИДМ баспасөз қызметі. Төтенше жағдай енгізілгенге дейін Алматы қаласы әуежайынан 18 ішкі бағыт бойынша аптасына 295 тұрақты рейс орындалды. Сондай-ақ аптасына 3 қазақстандық және 16 шетелдік әуе компаниясы 29 бағыт бойынша 229 халықаралық рейс орындады. 2017 жылы ұшу-қону жолақтарының біріне қайта жаңғырту жүргізілді. Бұл өз кезегінде әуеайлақтың өткізу қабілетін сағатына 13 ұшақтан 24 ұшақ ұшуына дейін арттыруға мүмкіндік берді.
