Билл Гейтс пандемияның қашан аяқталатынын айтты
Microsoft компаниясының негізін қалаушы Билл Гейтс әлемдегі коронавирус пандемиясының 2022 жылдың соңына дейін тоқтамайтынын айтты. Ол бұл туралы TVN24 телеарнасына берген сұхбатында мәлімдеді.
Алматы, NEGE. Жүргізушінің сұрағына жауап берген Билл Гейтс, әлемнің барлық елдеріндегі шектеулер COVID-19-дан толық арылмай жалғаса беретінін ескертті.
"2021 жылдың соңына дейін вакцинациялау деңгейі өте жоғары болуы мүмкін. Сол кезде ауру жұқтыру деңгейі де төмендей бастайды. Бірақ, біз әлемдегі пандемияның көзін толығымен жоймай, шектеу шаралары жалғаса береді", - деді ол.
Билл Гейтстің болжамы бойынша, адамдар қалыпты өмірге 2022 жылдың соңында келуі мүмкін.
Сонымен қатар, ол "өзінің пандемияға қатысы бар" деген қауөсетті жоққа шығарды. Коронавирус қолдан жасалған дегендерге де жауап берді.
"Бұл өте өкінішті жағдай! Біреулер коронавирус қолдан жасалған деп бетперде тағудан, енді біреулері екпеден бас тартып жатыр", - деді миллиардер.
