Білім министрлігі жаңа оқу жылы қарсаңында мәлімдеме жасады
Білім және ғылым министрінің баспасөз хатшысы Мөлдір Әбдуалиева дәстүрлі форматта оқитын оқушылардың ата-аналарынан баласының мектепте оқуына қарсылығы жоқ екені туралы әлеуметтік желіде тарап жатқан өтініш үлгісіне байланысты пікір білдірді.
Алматы, NEGE. "Құрметті ата-аналар! Офлайн оқу форматы сапалы білімді қамтамасыз ету үшін қажет. Бірақ мектептерде осындай өтініштер талап етілмеуі тиіс. Талап етсе, маған жазыңыз, әр өтінішті жеке қарастырамыз!", - делінген баспасөз хатшының хабарламасында.
Бұған дейін әлеуметтік желіде мектеп басшысының атына ата-анадан жазылған өтініш үлгісі тараған. Ол жерде ата-ана баласының мектепте дәстүрлі форматта оқитынына қарсы еместігі, баласының қауіпсіздігі мен денсаулығына өзі жауапты екені жазылған.
