Білім басқармалары басшыларының ұялы телефон нөмірі жарияланды
Білім және ғылым министрі Асхат Аймағамбетов білім басқармаларының басшыларына азаматтардың өтініші, шағымы мен ұсынысына жедел ден қоюды тапсырды. Бұл туралы ведомствоның баспасөз қызметі хабарлады.
Алматы, NEGE. Енді оқушылардың ата-анасы өзін мазалаған мәселе бойынша тікелей білім басқармасы басшылығына хабарласа алады. Тұрғындар жауапты тұлғаларға тікелей хабарласуы үшін білім басқармасы басшылары мен орынбасарларының ұялы телефон нөмірі жарияланды. Министр бұл қабылданған шаралар туралы ақпаратты уақытылы алу және кері байланыс орнатуға сеп болатынына сенім білдірді.