Биыл 641 мың гектарға жуық аумақты шегіртке басуы мүмкін
Ауыл шаруашылығы министрлігі биылғы шегірткеге қарсы күрес шаралары туралы хабарлады, деп жазады inbusiness.kz.
Алматы, NEGE. Ведомствоның болжамы бойынша биыл 640,85 мың гектар жерді үйірлі шегіртке басуы мүмкін. Оның ішінде италиялық прус – 384 мың гектарға, азиялық шегіртке – 142 мың гектарға және мароккалық шегіртке 114 мың гектарға таралуы мүмкін. Оларды жою үшін пестицидтер мен химиялық өңдеу қызметтері сатып алынған. Сонымен қатар, 223 мың гектарға жететін пестицид қоры дайындалыпты.
«Өңдеуге арнайы бүріккіш 183 техника (150 жерүсті бүріккіші, 12 ұшақ, аса жеңіл авиацияның 13 кемесі және 8 аэрозольді газ генераторы) тартылатын болады. Үйірлі шегіртке зиянкестерінің ошақтарын анықтау үшін 38,4 млн гектар жер зерттеледі. Осы жұмысты жүргізу үшін 524 автокөлік пен 1230 тексеруші тартылады. Маусым айында көршілес мемлекеттермен (ҚХР, РФ, РУ) шекаралас аумақтарда шегіртке зиянкестерін анықтау үшін бірлескен зерттеу жүргізу жоспарланып отыр», – дейді министрлік.
Бүгінде Түркістан және Жамбыл облыстарында марокко шегірткесіне қарсы өңдеу жұмыстары аяқталған. АлАқтөбе облысы мен БҚО-да итальяндық прусқа қарсы өңдеу жұмыстары басталыпты.
