Бейнеудегі балалар неден уланды?
Маңғыстау облысы бойынша санитарлық-эпидемиологиялық бақылау департаменті Бейнеудегі мектеп оқушыларының жаппай улану себебін атады, деп хабарлады Lada kz.
Алматы, NEGE. Ведомство басшысы Мұхтар Сербаев Бейнеудегі Манашын мектебінің оқушылар жаппай улануынан кейін асхана қызметін тексеру кезінде тексерілген он қызметкердің бірінде стафилококк табылғанын хабарлады. Сондай-ақ екі адам уақытында міндетті медициналық тексеруден өтпеген.
Зертханалық тексерулер дайын тағамның алты үлгісінен қауіпті микроорганизмдердің бар екенін көрсетті. Тексеру барысында көкөніс сақтауға арналған қоймада дәнді дақылдардың сақталғаны анықталды, бұл – талапқа сай емес. Тоғыз жуынды үлгісінен ішек таяқшасының бактериялары табылды. Асханада уақытылы ылғалды тазалық жүргізілмеген, қабырғаларда жарықтар бар, бұл санитарлық талаптарды бұзу болып есептеледі.