Бейбіт Жұқаев әлемдік рейтингте 29 орын жоғары көтерілді
Кәсіпқой теннисшілер қауымдастығы (ATP) ерлер арасында жаңартылған рейтинг жариялады, деп жазады Prosports.kz.
Алматы, NEGE. Үздік үштік өзгеріссіз қалды: италиялық Янник Синнер көш бастап тұр, испандық Карлос Алькарас екінші орында, неміс Александр Зверев үшінші орында.
Қазақстанның бірінші ракеткасы Александр Бублик төрт орын жоғалтып, 32-орынға түсті. Александр Шевченко екі сатыға көтеріліп, 59-орынға тұрақтады. Михаил Кукушкин 111-ші болып қалды, Дмитрий Попко 173-тен 175-ке төмендеді, Бейбіт Жұқаев 29 сатыға көтеріліп, 184-орынға жайғасты, Тимофей Скатов 194-ші (-2) орынды қанағат етті.
