Бес тәулік бойы іздеген: Павлодарда суға кеткен ер адамның мәйіті табылды
Бес тәулікке созылған іздестіру жұмыстары кезінде суға кеткен ер адамның мәйіті табылды. Ол "Ертіс" футбол клубының бұрынғы ойыншысы және Қазақстан жағажай құрамасының мүшесі болған, деп хабарлайды
Павлодар, NEGE. "10 қыркүйек күні сағат 16.53-те Павлодар ауданы Кенжекөл ауылының маңында төрт құтқарушы 5 қыркүйекте балық аулау кезінде суға кеткен 1995 жылғы азаматтың мәйітін тауып, судан шығарды", - деп мәлімдеді ТЖД.
"Мәйітті балықшы Ақсу көпірінің астынан кездейсоқ көріп қалған", - деп хабарлады агенттік тілшісіне павлодарлық "VITA" іздеу тобындағылар.
Қайғылы оқиға 5 қыркүйек күні сағат 14:00 шамасында болған. Екі дос балық аулауға шыққан. Алайда олардың бірі "Ертіс" футбол командасының бұрынғы ойыншысы және Қазақстан жағажай құрамасының ойыншысы, 1995 жылғы ер адам жағаға қатты жақын келіп, аяғы тайып, құлап кеткен. Досы оны құтқара алмаған.
Ер адамды іздеу жұмыстары бес тәулік бойы жалғасты. Іздестіру жұмыстарына ТЖД құтқарушылары, сондай-ақ Павлодар аудандық полиция бөлімінің қызметкерлері, Павлодардағы "ВИТА" еріктілері, суға батқан жігіттің туыстары мен жақындары жұмылдырылды.
Қазір оқып жатыр
2,6 млрд теңге субсидия заңсыз алынған: экс-депутаттың ісі сотқа жолданды
«Алтыншы күн қатарынан комада жатыр»: Алматыда жас қыздың үстіне қураған ағаш құлады
Қазақстан гуманитарлық көмек ретінде Ресейге 50 мың тонна бензин жіберуі мүмкін
«Кәсіпкерлер мен мемлекеттік қызметшілерді бопсалаған»: Шымкентте блогер ұсталды
