Берлин кинофестивалі басталды
Әлемнің үздік киногерлерін жинаған сайыста биыл 340 картина көрсетілмек. Оның 18-сі бас жүлде «Алтын аю» және «Күміс аю» сыйлығына таласқа түседі.
Кинофестивальге бақ сынауға келген өнер иелерінің арасында Джонни Депп те бар. Актер төбе көрсеткен картина қалың көрермеге ұсынылды. «Минимата» лентасында голливуд жұлдызына америкалық фотограф Уильям Юджин Смиттің образы бұйырған. Шынайы оқиғаға негізделген туындыда экологияның бұзуылуы салдарынан жапа шеккен жапондықтардың оқиғасы баяндалады.
«Мен негізгі кейіпкердің биографиясын көп оқыдым. Қандай оқиғаларды басынан кешіргенін, кей сәттерді таспалау үшін қандай жанкештілікке барғандығы туралы. Ол ерекше адам. Өз ісіне адал жан», - дейді Джонни Депп.
Экологиялық мәселені көтерген бұл жаңа картинаның бағасын көрермендер береді. Ал Берлин халқаралық кинофестивалі наурыз айына дейін жалғаспақ.
