Бердібек Сапарбаев: Мешіттерде қандай уағыз айтылып жатқанын бақылау керек
Бердібек
Сапарбаев: Мешіттерде қандай уағыз айтылып жатқанын бақылау керек
Қордай ауданында 7 ақпан күні орын алған төтенше жағдай бізге, біздің елімізге өте үлкен сабақ болды. Біз осы оқиғалардан тәжірибе жинақтап, қайталанбауына күш салуға тиіспіз. Жамбыл облысының әкімі Бердібек Сапарбаев бұл туралы бүгінгі халық алдында есеп беру жиынында айтты деп хабарлады BAQ.KZ
Аймақ басшысының сөзіне қарағанда, мемлекеттің заңы сол елде тұрақ тапқан барлық ұлт өкілдеріне бірдей деңгейде орындалуы керек. Сондықтан қоғамдағы жастардың тәрбиесіне, әсіресе, рухани тәрбиеге ерекше назар аударылуы тиіс.
«Елдімекендердегі мешіттерде, мектептерде, діни бірлестіктерде қандай уағыздар айтылып жатыр, жамағатты қай бағытта тәрбиелеуде? Барлығын жіті бақылап отыру қажет. Қандай жағдайда болмасын, мемлекеттің негізгі саясаты орындалуы керек. Яғни, халықтың бірлігі мен татулығы, ынтымағы сақталуы тиіс», – деді Бердібек Сапарбаев.
