Берденов ісі бойынша сот үкімі өзгеріссіз қалды
Шымкент қалалық сотының апелляциялық алқасы бұрынғы қала әкімінің орынбасары Руслан Берденовке қастандық жасады деген айыппен сотталған Ернар Жиембай ісі бойынша тараптардың шағымдарын қарады.
Алматы, NEGE. Қорғаушы тарап Ернар Жиембайдың тоғыз жылға бас бостандығынан айыру жазасын жеңілдетіп, бостандығын шектеу жазасына ауыстыруды сұрады. Адвокаттардың айтуынша, олардың қорғауындағы азаматтың кісі өлтіру ниеті болмаған, ол тек Руслан Берденовті қорқытқысы келген.
Алайда сот тараптардың уәждерін қарастыра отырып, олардың өтініштерін қанағаттандырмады және бірінші инстанциядағы үкімді күшінде қалдырды.