Бензин бағасы төмендемейді
Елде жақын арада бензин арзандамайды. Бұл туралы Энергетика министрінің орынбасары Әсет Мағауов мәлімдеді, деп хабарлайды «Хабар 24».
Алматы, NEGE. Жуырда ОПЕК+ елдері қара алтын өндірісін азайтуға келіскен. Сол уағдаластық бойынша Қазақстан соңғы екі айдың өзінде мұнай өндіруді 23 процентке азайтты. Алдағы айларда шикізатқа сұраныс қалай болатыны белгісіз. Сондықтан бағаның қалай құбылатынын дөп басып айту мүмкін емес, дейді вице-министр. ҚР энергетика вице-министрі Әсет Мағауов: "Біздегі мұнай өнімдерінің бағасы төмендеген жоқ. Отандық мұнай өңдеу зауыттарынан шыққан өнім бағасы қашан да экспорттық өнім бағасынан төмен болатын. Қазіргі экспорттық өнімдердің бағасы біздің ішкі нарықта өндірілген жанар-жағар май бағасымен теңесті. Сондықтан біздегі өнім құнының құлдырауын күтіп қажеті жоқ. Себебі ол бағаны құрайтын қызмет бағасы сол қалпында қалды" деді.