Белгісіз біреу Израильдің Бельгиядағы елшілігіне граната лақтырды
Оқиға туралы француз тіліндегі бельгиялық La Lidre Beigigie газеті жазды, деп хабарлады kazinform.kz.
Алматы, NEGE. Брюссель прокуратурасының мәліметінше, жұма күні таңертең Еуропа астанасының Уккель коммунасындағы Израиль елшілігіне белгісіз біреу страйкбол гранатасын лақтырған.
«Жұма күні таңертең шамамен сағат 5:30-да белгісіз біреу Уккельдегі Израиль елшілігіне қарай страйкбол гранатасын лақтырған», – деп түсіндірді прокуратура.
Оқиға орнына полиция қызметкерлері барып, кезекші прокурорға хабарлаған. Оқиға орнына сондай-ақ полицияның техникалық және ғылыми зертханасы, жарылғыш заттарды залалсыздандыру және жою қызметі де келді. Тергеу мүддесі үшін айыптаушы тарап бұл мәселе бойынша бұдан әрі түсініктеме бермейді.
Осы аптаның басында Бельгияның коалициялық үкіметі Палестинаны ықтимал тану туралы келісімге келе алмады. Дегенмен премьер-министр Александр Де Кроо Брюссель Газадағы атысты тоқтатуға және қақтығысты екі мемлекет принциптері негізінде шешуге белсенді түрде ұмтылатынын мәлімдеді.
