Бельгия шекарасынан өту қиындайды

Алматы, NEGE. Бельгия үкіметі коронавируспен күрес бойынша маңызды шараларды анықтау үшін Консультативтік комитеттің кезекті отырысын өткізді, деп хабарлайды ҚазАқпарат тілшісі.

Жыл соңында коронавирустың таралуын болдырмау үшін Бельгия шекарасынан өту ережелерін қатаңдату туралы шешім қабылданған болатын. Енді Бельгияға кіргісі келетін шетелдік азаматтар COVID-19 үшін теріс нәтижелі тест тапсыруы керек. Жұмысқа баратын адамдар үшін кейбір ерекшеліктер жасалады. 48 сағаттан астам уақыт бойы шетелде болған Бельгияның кез келген тұрғыны «жұқтыру қаупі жоғары адам ретінде қарастырылады және жеті күн ішінде карантинде болуы керек.

Бұдан бөлек, жолаушыларды іздеудің арнайы нысанын толтырудың міндетті рәсімі белгіленеді.

Бельгия Үкіметі жоғарыда аталған ережелерді қатаң тексеруге уәде береді.

«Бүгінгі таңда тәулігіне жаңа инфекция жұқтырғандар саны сегіз апта бұрынғыдан 10 есеге аз. Өйткені біз бәріміз белгіленген ережелерді сақтадық. Алайда елде вирус жұқтырғандар санының баяулай бастағанын көреміз. Бұл коронавирустың үшінші толқынының бастауы болуы мүмкін және біз алдын алуымыз керек», - деді Бельгия премьер-министрі А. Кроо.