Беларусьте президент сайлауы өтіп жатыр
Беларусь Республикасында президент сайлауы басталды, деп хабарлайды Kazinform.
Алматы, NEGE. Алдын ала дауыс беру 21-25 қаңтар аралығында өтті. Сайлаушылар айтарлықтай жоғары белсенділік танытты. Беларусь Республикасы Президентінің сайлауында сайлаушылар тізіміне енгізілген азаматтардың 41,81 пайызы мерзімінен бұрын дауыс берді.
Республика бойынша 5 325 сайлау учаскесі бар. Олар сағат 08.00-ден 20.00-ге дейін жұмыс істейді.
Дауыс беру бюллетеньдері беларусь тілінде дайындалады. Бұл науқанда олар сайлаушыларға арналған ескертпемен толықтырылған – заң бойынша толтырылған бюллетеньді фото және бейнежазбаға түсіруге, сондай-ақ бюллетеньді дауыс беретін үй-жайдан тыс жерде алуға тыйым салынатыны туралы ескерту.
Дауыс беру бюллетенінің артқы жағы түспен қорғалған. Дауыс беру қарсаңында учаскелік комиссияның кемінде екі мүшесі бюллетеньдің артына қол қоюы керек. Мұндай қолдар болмаған жағдайда бюллетеньдер жарамсыз деп есептеледі.