Бекболат Молдабеков ұлттық экономика вице-министрі болып тағайындалды
Үкімет қаулысымен Бекболат Молдабеков ұлттық экономика вице-министрі қызметіне тағайындалды.
Астана, NEGE. Бұл жөнінде Үкіметтің баспасөз қызметі хабарлады.
Бекболат Молдабеков 1991 жылы Жамбыл облысы Тараз қаласында дүниеге келген. Т.Рысқұлов атындағы Қазақ экономикалық университетін, М.Нәрікбаев атындағы КАЗГЮУ университетін бітірген.
Еңбек жолын «Элит Құрылыс Строй» ЖШС-да инженер-бағдарламашы болып бастаған.
Әр жылдары Инвестициялар және даму министрлігінде, Ақпарат және коммуникациялар министрлігінде түрлі қызметтер атқарған.
Сондай-ақ Цифрлық даму, инновациялар және аэроғарыш өнеркәсібі министрлігі Мемлекеттік қызметтер комитеті төрағасының орынбасары болған.
2022 жылдың қараша айынан бері әділет вице-министрі қызметін атқарып келді.