Bek Air ұшағының апатына қатысты тергеу қайта басталады
2024 жылғы 23 желтоқсанда Мәжілісте өткен брифингте көлік министрі Марат Қарабаев Bek Air ұшағының апатқа ұшырауына қатысты тергеуді қайта бастау мәселесі қаралып жатқанын мәлімдеді.
Алматы, NEGE. – Тергеу аяқталды. Бірақ, қазіргі уақытта әуе компаниясының бір қызметкерінің өтініші бар. Оған сәйкес, процедуралық тұрғыда тергеуді қайта бастау мәселесі қарастырылады, - деді министр.
95 жолаушысы және 5 экипаж мүшесі бар Bek Air жолаушылар ұшағы 2019 жылдың 27 желтоқсаны күні таңертең Алматы маңында апатқа ұшыраған еді. Апаттан 12 адам қайтыс болды.
2024 жылдың 3 сәуірінде қылмыстық тергеу аяқталды. Ал 2021 жылы бұл іске қатысы бар бірнеше экс-шенеунік пен риэлторға үкім шықты.