Бейжіңнің он төрт ауданында 100-ден адам астам коронавирус жұқтырды

Алматы, NEGE. Ертең ашылуы тиіс мектептер қайтадан жабылды. Балабақшалар да әзірге жұмыс істемейді. Бейжіңде өткен аптаның аяғында ғана ковид шектеулері алынып, 6 маусымда дүкендер, мейрамханалар мен көңіл көтеру орындары ашылған болатын.

Сюй Хэцзянь, Бейжің әкімшілігінің ресми өкілі:

- Барлық шарапханалар, караоке және интернет клубтарды қатаң тексеру керек. Үйлер мен қоғамдық орындарға кіреберісте денсаулық анықтамасын, 72 сағат ішінде тапсырылған птр-тест нәтижесін қарау қажет. Басты сала қызметкерлері мен індет ошағындағы адамдар скриниңтен өткізіледі. Тұрғындардан бетперде киіп жүруді, қолды жиі жууды, топталмауды және әлеуметтік арақашықтық сақтауды сұраймыз. 9 сынып оқушыларынан басқа балалар 13 маусымнан бастап онлайн оқуға көшіріледі.