Бейжің-2022: Қазақстандық конькишілер жүлдесіз қалды
Бейжіңдегі қысқы Олимпиада ойындарында конькимен жүгіруден әйелдер арасындағы масс-старт жарысының жеңімпаздары анықталды.
Алматы, NEGE. Өкінішке қарай жартылай финалда үздік 16 спортшының қатарына енген отандасымыз Надежда Морозова финалда 15-ші орынға табан тіреді. Осылайша бүгін конькимен жүгіруден ел намысын қорғаған атлеттеріміз жүлдеден тыс қалды. Бұл сында Бейжің Олимпиадасының алтын медалін голландиялық конькиші Ирен Схаутен қанжығасына байласа, күміс жүлдеге канадалық Ивани Блонден иелік етті. Үздік үшінші орынды италиялық Франческа Лоллобриджида жеңіп алды.
Айта кетейік, Олимпиада ойындарында конькимен жүгіруден ерлер арасында масс-старт жарысында Қазақстан сапынан Дмитрий Морозов қатысты. Ол жартылай финалда мәре сызығын 10-шы болып кесіп өтті. Бұл нәтиже отандасымызға финалға шығуға мүмкіндік бермеді.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
