Бейсенбі күні үш облыста дауыл тұрады
Қазақстанның үш облысында бейсенбі күні дауылды ескерту жарияланды, деп хабарлады «Қазгидромет» РМК баспасөз қызметі.
Алматы, NEGE. 20 ақпанда Ақмола облысының кей жерлерінде жаяубұрқасын жүріп өтеді. Оңтүстік-батыстан түнде 15-20, кей жерлерде 23-28 м/с жел тұрады, күндіз кей жерлерде 15-20 м/с жетеді. Көкшетауда 20 ақпанда оңтүстік-батыстан екпіні 15-20 м/с жел тұрады. Дауылды ескертудің ықтималдығы 85-90%.
20 ақпан күні түнде Солтүстік Қазақстан облысының басым бөлігінде қар жауады. Кей жерлерде бұрқасын соғады. Оңтүстік-батыстан, батыстан түнде 15-20, кей жерлерде екпіні 23-28 м/с жел тұрады, күндіз кей жерлерде 15-20 м/с жел тұрады. Петропавлда 20 ақпанда бұрқасын тұрады. Оңтүстік-батыстан, батыстан 15-20 м/с жел тұрады. Дауылды ескертудің ықтималдығы 90-95%.
20 ақпанда Қостанай облысында кей жерлерде жаяубұрқасын жүріп, тұман түседі, көктайғақ болады. Оңтүстік-батыстан соққан жел оңтүстік-шығысқа ауысады, кей жерлерде 15-20, түнде екпіні 23-28 м/с болады. Қостанайда 20 ақпанда түнде және ертеңгісін жаяубұрқасын соғады. Оңтүстік-батыстан түнде және ертеңгісін екпіні 15-20 м/с жел тұрады. Дауылды ескертудің ықтималдығы 90-95%.