Байжанов бұрынғы адвокатынан Бишімбаевтың адвокаттарымен байланыста болғаны үшін бас тартқан
Астананың мамандандырылған ауданаралық сотында экс-министр Қуандық Бишімбаевтың әйелін өлтіру ісі бойынша сот отырысы жалғасып жатыр.
Алматы, NEGE. Сот отырысында Бақытжан Байжановтан жауап алынып жатыр.
Бақытжан Байжанов алғашқы күндері не үшін басқаша айғақтар бергенін түсіндірді. Ол өзінің бұған дейінгі адвокатының Бишімбаевтың мүддесін қолдайтын жауап беруге итермелегенін мәлімдеді.⠀
«Мені ұстаған кезде басқа адвокатым болды. Сол адвокат маған «мынаны айтпа, ананы айтпа» деді. Желтоқсан айында мен адвокатымның Бишімбаевтың адвокаттарымен байланыста жүргенін түсіндім. Мұны білген соң мен оның қызметінен бас тарттым. Мені айыптай берсін, бірақ мен тек шындықты айтамын», – деді Бақытжан Байжанов.
