Байқаусызда атып жіберген: Атырау облысында аң аулау кезінде ер адам мерт болды
Желіде Атырау облысында аңшылықтың қайғылы жағдаймен аяқталғаны туралы ақпарат тарады.
Астана, NEGE. Instagram-дағы Atyrau_today_news парақшасында жарияланған ақпаратқа сәйкес, 6 желтоқсанға қараған түні Қызылқоға ауданы Аққора ауылы маңында аң аулауға шыққан 36 жастағы ер адам 39 жастағы серігін байқаусызда атып жіберген. Қаруды дұрыс пайдаланбау салдары кісі өліміне әкеп соқтырған.
«Алдын ала мәлімет бойынша, ер адамдар аң аулауға шығар алдында ішімдік ішкен», — делінген хабарламада.
Атырау облысы Қызылқоға аудандық полиция бөлімі адам өлтіру дерегі бойынша қылмыстық іс қозғады. 36 жастағы күдікті қамауға алынды.