Жаңалықтар 19:57, 29 Қыркүйек 2024

Баян Мақсатқызы кенже қызын қырқынан шығарды

Танымал продюсер Баян Мақсатқызы және оның жары Тұрсен Алагөзов Алма есімді қыздарын қырқынан шығарды. Продюсер әлеуметтік желідегі парақшасында қырқынан шығару рәсімінен видеолар жариялады.

Алматы, NEGE.Қызына Алма деп ат қойған продюсер дастарқанды алмалармен безендірген. Тіпті тортты да алма пішіндес етіп жасатқан.

Баян және Тұрсен Алагөзовтер қыздарының қырқынан шығару рәсіміне туғандары мен жақын достарын шақырған. Қырқынан шығару рәсімінде қоржындар да таратылды.

"Бақытты болғыларыңыз келсе, болыңыздар! Бақыт сырттан келмейді, оны өзіңізден, жан дүниеңізден және сізді қоршаған нәрселерден табу керек! Бақытты қаласаңыз, бақытпен бөлісіңіз! Бүгін бақытты күн", – деп жазды Баян Алагөзова

Баян Мақсатқызы Қырқынан шығару Шоу бизнес