Бауыржан Байбек пен Жанболат Мамай арасындағы апелляциялық соттың шешімі шықты
Бүгін Алматыда белсенді Жанболат Мамай мен оның әйелі Инга Иманбайдың апелляциялық шағымдары бойынша сот отырысы өтті.
Алматы,NEGE. Белсенді Жанболат Мамай мен әйелі Инга Иманбай Nur Otan партиясы Төрағасының бірінші орынбасары Бауыржан Байбектен сотта жеңіліп қалғаннан кейін апелляциялық шағым түсірген болатын. Қалалық сот Байбекке қатысты аудандық сот шешімін күшінде қалдырды.
Бірінші сот отырысында Жанболат Мамай мен Инга Иманбай жеңіліп, Бауыржан Байбек туралы әзірлеген видеороликтерін интернеттен өшіруге міндеттелген еді. Сондай-ақ, олар жалпы сомасы 800 мың теңгеден асатын сот шығынын өтеуі тиіс. Алайда, олар соттың шешімімен келіспейтінін айтып, апелляциялық шағым түсірген болатын.