Батыста бүркітшілер бақ сынайды
24-26 қаңтар аралығында Батыс Қазақстан облысының Теректі ауданы, Сарыөмір ауылында бүркітшілер арасында «Жайық қыраны – 2020» республикалық турнирі өтеді.
Алматы, NEGE. Байқауға еліміздің әр өңірінің бүркітшілері жиналады. Республикалық турнирдің мақсаты – ұлттық спорт түрін насихаттау, ішкі туризмді дамыту, аңшылық салт-дәстүрлерімізді жаңғырту, дейді ұйымдастырушылар.
Аталған турнир 2018 жылдан бері «Ғылыми зерттеулерге көмектесу қоры» жеке қорының ұйымдастыруымен өткізіліп келеді.
Өткен жылы бүркітшілер өнерін тамашалау үшін еліміздің түкпір-түкпірінен және Ресейдің Самара, Тольятти, Ульяновск, Пермь өңірлерінен туристер келген болатын.
Ең үздік бүркітшіні анықтайтын жарыстың жалпы жүлде қоры 1.5 млн. теңге.